Ds alte blaue Snowboard

 (Tägscht & Musig: Stefan Heimoz)

Ir Wärchstatt steit es Snowboard, alt u blau
u das erinneret mi jedes Mal
a die Zyt, wo mir beidi jung sy gsi
u üs ersch grad früsch kennt hei, du & i

Mir zwöi hei denn zum Snowboarde abgmacht
e Tag zäme uf dr Pischte verbracht
i ha das Board denn ersch grad nöi kouft gha
hüt steits sit mängem Jahr nume no da

Das Snowboard da ar Wand
das gits scho zimli lang
s zeigt mir, wi Zyt vergeit
i wüsst gar nümm so rächt, wi me druf steit

Du hesch mi denn gloub nid ungärn mitgno
i bi nid nume wägem Snöbe cho
u gly drufabe sy mer sicher gsi
dass mir zwöi zäme ungerwägs wei sy

U hüt jongliere mir mit Huus u Ching
du schynschs uszhalte mit mym Bärner Gring
für ds Snowboard han i nümm Verwändig gha
i muess schmunzle, wen i dran verby ga

Das Snowboard da ar Wand
das gits scho zimli lang
s zeigt mir, wi Zyt vergeit
i wüsst gar nümm so rächt, wi me druf steit

Mi dünkt, i heigs denn rächt guet chönne, sportlech-elegant
hüt wärs gloub ender wi ne Elefant

Das Snowboard da ar Wand
gib i nümm us dr Hand
das chöit dir gloub versta...
o wen is nume es einzigs Mal brucht ha

Zurück