Miau!

 (Tägscht & Musig: Stefan Heimoz)

My Chatz isch d Chefin, i bi ihres Personal
si isch tatsächlech es zimlechs Original
mängisch, im Verbyga, putzt si mir eifach eis
si isch hie dr Boss u si wott, dass i das weiss

U de nimmt si Alouf u bsetzt scho mal my Platz
i bi nume dr Mönsch u si isch äbe d Chatz
im alte Ägypte wär si no heilig gsi
i fürchte, dass weiss usser mir leider o si

U mängisch muess i gränne, mängisch lache
us ihre wird i nie so richtig schlau
Villich seit si ja luter gschydi Sache
u ig als Mönsch versta nume "miau!"

U falls i sött vergässe, wär dass hie befiehlt
zeigt si uf Chatze-Art, was hie halt eifach gilt
si hanget mer a ds Bei u bysst o chreftig dry
wes itz ke Fuetter git, de frisst si nächschtens mi

We si afat schnürrele, bin i nümm närvös
u si weiss ganz genau, i bi re nid lang bös
ihri Verehrer singe nächtelang um ds Huus
s wärde immer meh u si hei dr Moudi-Blues

U mängisch muess i flueche, mängisch lache
us ihre wird i nie so richtig schlau
Villich seit si ja luter gschydi Sache
u ig als Mönsch versta nume "miau, miau..."

S git en alti Wysheit, di seit, d Zyt mit dr Chatz
syg äbe nie für... d Chatz!

Zurück